2022 წლის მსოფლიოს ჩემპიონატის ფინალისტების ვინაობა ცნობილია. 18 დეკემბერს, ყველაზე მნიშვნელოვან მატჩში არგენტინა და საფრანგეთი შეერკინებიან ერთმანეთს.

ნახევარფინალურ პაექრობაში კი, „მამლებმა“ 2 უპასუხო გოლი გაუტანეს მაროკოს. ოურელინ ჩუამენმა შეუცვლელად იასპარეზა, ხოლო ედუარდო კამავინგა სკამიდან არ წამომდგარა. აღსანიშნავია, რომ ახალგაზრდა ნახევარმცველებისათვის მიმდინარე მუნდიალი სადებიუტოა და მათ ჩინებული შანსი აქვთ ისტორია დაწერონ.

საფრანგეთი: ლორისი; კუნდე, ვარანი, კონატე, ტ. ერნანდესი; ჩუამენი, ფოფანა; დემბელე (კოლო მუანი 79), გრიზმანი, მბაპე; ჟირუ (ტურამი 68)
მწვრთნელი: დიდიე დეშამი

მაროკო: ბონო; დარი, საისი (ამალაჰი 21, ეზ აბდე 78), ელ იამიქი; ჰაკიმი, უნაჰი, ამრაბატი, მაზრაუი (ატიატ-ალა 46); ზიეში, ენ-ნესირი (ჰამდალა 66), ბუფალი (აბუხლალი 66)
მწვრთნელი: ვალიდ რეგრაგი

გოლები: 1:0 ტ. ერნანდესი (5), 2:0 კოლო მუანი (79)