სერხიო კანალესმა განაცხადა, რომ ჟოზე მოურინიო მისი კუმირია და პორტუგალიელი სპეციალისტის ყველა მითითებას ზედმიწევნით ასრულებს, შედეგი კი 3-4 თვეში გამოჩნდება...

"პორტუგალიელი სპეციალისტი ჩემი კუმირია, არასდროს მიფიქრია მასთან ერთად მუშაობა, ვხვდები, რომ იგი დიდებული დამრიგებელი და ფსიქოლოგია, მასთან მუშაობა უდიდეს სიამოვნებას მანიჭებს."

"ყველაფერი იმით დაიწყო, რომ მოურინიომ ნდობა გამომიცხადა, თამაშის დასრულების შემდეგ მე მივედი ჟოზესთან და მადლობა გადავუხადო შანსის მოცემისთვის, მან კი მითხრა, რომ მომავალ სეზონში მე გუნდისთვის საჭირო ფიგურა ვიქნები."

"ჩემთვის ძალიან გასახარია ის, რომ მთავარი მწვრთნელის ნდობას ვიმსახურებ."

"როდესაც გოლი გავიტანე, უბედნიერესი ადამიანი ვიყავი. ნებისმიერი ფეხბურთელისთვის ძალიან ბევრს ნიშნავს დებიუტშივე გოლის გატანას, ეს მართლაც იდეალური გრძნობაა, რომელსაც მხოლოდ წარმატებული ფეხბურთელები განიცდიან."

"ახალგაზრდული ასაკის მიუხედავად ვთვლი, რომ უმაღლეს დონეზე თამაში არ გამიჭირდება. ეს მადრიდის "რეალია", რომელიც უმკაცრესი დისციპლინით გამოირჩევა, მე ყველაფერს გავაკეთებ ამ გუნდისთვის."