ესპანური გამოცემების ცნობით, 2023 წლის ზაფხულში კარლო ანჩელოტის გუნდიდან წასვლის შემთხვევაში, მადრიდის „რეალს“ მისი შემცვლელი კანდიდატი უკვე ჰყავს...

საქმე ეხება ჟოზე მოურინიოს, რომელიც „მერენგებს“ ჯერ კიდევ მაშინ უკავშირდებოდა, სანამ კარლიტო „ევერტონში“ მუშაობდა და „ბლანკოსში“ დაბრუნდებოდა.

მეორე ვარიანტად ისევ ზინედინ ზიდანი განიხილება, თუმცა უნდა აღინიშნოს, რომ ზიზუს საფრანგეთის ნაკრებთან ურთიერთობა ჯერ კიდევ გასარკვევი აქვს.

ბოლო ცნობებით, ფრანგები დეშამს 2024 წლის ევროპის ჩემპიონატზეც მიანდობენ საკუთარ გუნდს, რაც იმას ნიშნავს, რომ ზიზუს სხვა მიმართულებით მოუწევს მუშაობა.

რაც შეეხება მოურინიოს. პორტუგალიელს არაერთხელ უთქვამს, რომ „ბლანკოსში“ დაბრუნებაზე უარს არ იტყვის.