ტონი კროოსს მსოფლიო ჩემპიონატზე არ უასპარეზია და პირველი დეკემბრიდან მოყოლებული „ბლანკოსის“ ყველა ვარჯიშზე სრულფასოვან დატვირთვას იღებს...

გერმანელ მოთამაშეს სეზონის განახლების შემდეგ საკმაოდ დიდი დატვირთვის მიღება მოუწევს, რადგან ლუკა მოდრიჩი ჯერ კიდევ ეროვნულ ნაკრებშია და მართლაც დაუჯერებელ წუთებს ატარებს მოედანზე.

ფაქტობრივად ანალოგიურ სიტუაციაშია ორელიან ჩუამენიც, რომელიც საფრანგეთის ნაკრების ნახევარდაცვის შეუცვლელ წევრად ითვლება.

დეკემბრის ბოლოსა და იანვარში ანჩელოტი კროოსზე სერიოზული გათვლის გაკეთებას გეგმავს, ვინაიდან გერმანელი დასვენებულია და „ვალიადოლიდთან“ პაექრობას შესანიშნავ ფორმაში შეხვდება.