„მარკა“, „ას“ და კიდეც ბევრი ესპანური გამოცემა წერს, რომ ჯუდ ბელინგემის ოცნება პრემიერლიგაში თამაშია და ინგლისელთან დაკავშირებით „რეალის“ შანსები მცირდება...

„ლივერპული“ ცდას არ აკლებს და „დორტმუნდთან“ ინტენსიური მოლაპარაკებები აქვს. საუბარი კოლოსალურ თანხებს ეხება. დიდი ალბათობით, ბელინგემი კლოპის გუნდის ყველაზე ძვირადღირებული მოთამაშე გახდება.

რა ხდება ამ დროს მადრიდში? ფლორენტინო პერესი სიტუაციის განვითარებას ელოდება და ფიქრობს, რომ ბელინგემის საუკეთესო გზა „რეალზე“ გადის.

თუ მოთამაშე ბერნაბეუს აირჩევს, „ბლანკოსი“ მას სრულ კომფორტს შეუქმნის, სხვა შემთხვევაში კი „რეალი“ ალტერნატიულ გეგმას აამუშავებს.