„პსჟ“, „ჩელსი“ და მადრიდის „რეალი“ რაფაელ ლეაოსთვის ბრძოლას გეგმავენ...

კარლო ანჩელოტის პორტუგალიელი ფეხბურთელის დამატება საკმაოდ გაუჭირდება, რადგან მსურველთა რიცხვი იმატებს.

არსებული ინფორმაციით, „მილანმა“ პორტუგალიელ შემტევს კონტრაქტის გახანგრძლივება შესთავაზა, მაგრამ მოთამაშე ჯერ-ჯერობით თავს იკავებს. ვრცელდება ინფორმაცია, რომლის მიხედვითაც, ლეაოს კონტრაქტის გამოსასყიდი თანხა 150 მილიონ ევროს შეადგენს, „როსონერის“ კი ახალი ხელშეკრულებით ამ ციფრის ნახევარ მილიარდამდე გაზრდა სურს.

იტალიური გამოცემები კი იუწყებიან, რომ თუ „მილანი“ რაფაელთან შეთანხმება ვერ მიაღწევს, 2023 წლის ზაფხულში მისი დაბალ ფასად გაყიდვა მოუწევს, ვინაიდან 2024-ის ზაფხულში ხელშეკრულების ვადა იწურება.