იტალიური „რომა“ ნაჩო ფერნანდესის დამატებით ჯერ კიდევ 2019 წელს ინტერესდებოდა, მაგრამ ფეხბურთელმა სერია „ა“-ში გადასვლაზე უარი განაცხადა...

ახლა ვითარება შეცვლილია. მოთამაშეს მიმდინარე სეზონის ბოლოს „რეალთან“ კონტრაქტი ეწურება, განახლებას კი არ ჩქარობს, რადგან არსებული სიტუაციით უკმაყოფილოა.

„მერენგების“ დაცვის ცენტრში აქცენტი მილიტაოზე, ალაბასა და რუდიგერზე კეთდება, რაც ნაჩეტეს შანსებს მნიშვნელოვნად ამცირებს.

ამ სეზონში ესპანელმა ფეხბურთელმა მოედანზე მხოლოდ 414 წუთი გაატარა, რაც ბოლო წლების ყველაზე ცუდი შედეგია, სწორედ ამიტომ ფერნანდესი წასვლის საკითხს განიხილავს.

იმ შემთხვევაში, თუ უკანახაზელი „რომაში“ გადასვლას გადაწყვეტს, იტალიური კლუბი მას 3 წლიან კონტრაქტს შესთავაზებს.