ხორვატიის ეროვნული ნაკრები ლუკა მოდრიჩის კაპიტნობით მუნდიალის მერვედფინალურ სტადიაზე იასპარეზებს, სადაც მათი მოწინააღმდეგე იაპონია იქნება. 37 წლის ნახევარმცველმა ბელგიასთან ჩატარებული მეტად დაძაბული პაექრობა შეაჯამა.

„აღფრთოვანებულნი ვართ 1/8 ფინალის საგზურის მოპოვებით. ჩვენ ეს დავიმსახურეთ, განსაკუთრებით ბოლო 2 თამაშიდან გამომდინარე.“

„ბელგიელების წინააღმდეგ ძალიან კარგად ვიასპარეზეთ. შეხვედრაში იყო პერიოდები, როდესაც ძალიან გაგვიჭირდა, მეტოქემ არა ერთი საგოლე მომენტი შექმნა, თუმცა შანსების ნაკლებას არც ჩვენ განვიცდიდით.“

„ნაკრების პირველი მისია შესრულებულია - ჯგუფური ეტაპი დაძლეულია. დავამტკიცეთ, რომ ტოპ გუნდი ვართ და ნებისმიერ მეტოქესთან შეგვიძლია თამაში. ვფიქრობ, საპლეიოფო სტადიაზე ხორვატიის მეტოქეებს ადვილი გასეირნება ნამდვილად არ ელოდებათ.“