დღეს, მსოფლიოს ჩემპიონატის ჯგუფური ეტაპის ბოლო ტურში, ხორვატია ბელგიას შეერკინება.

მომავალი დაპირისპირება მეტად მნიშვნელოვანია ევროპული გუნდებისათვის, ვინაიდან სასწორზე მერვედფინალური ეტაპის საგზური დევს. ამ მომენტისათვის, დალიჩის შეგირდები მაროკოსთან ერთად ლიდერობენ სატურნირო ცხრილს (4 ქულა), ხოლო „წითელ ეშმაკები“ ერთით ნაკლებს მოითვლიან, კანადელები კი არცერთს.

ლუკა მოდრიჩს, რომელიც ეროვნულ ნაკრებს უკაპიტნებს, მარტინესის შეგირდების წინააღმდეგ ფრთხილად მოუწევს თამაში. „ოქროს ბურთის“ მფლობელს უკვე 1 გაფრთხილება აქვს მიღებული მიმდინარე ტურნირზე და თუ მსაჯს მეორეც გამოსტყუა, მომდევნო შერკინების გამოტოვება მოუწევს, რაც ტრგედიის ტოლფასი იქნება ხორვატებისთვის.