ტრადიციისამებრ, სამეფო კლუბის წარმომადგენლები ყურადღებით აკვირდებიან მსოფლიოს ჩემპიონატებს, რაც სატრანსფერო პოლიტიკიდანაც ნათელია.

სწორედ მუნდიალზე შესანიშნავი ასპარეზობის შემდეგ გააძლიერეს „რეალის“ რიგები ისეთმა ფეხბურთელებმა, როგორებიც არიან: კროოსი, ხამესი, იოზილი, კეილორ ნავასი, კურტუა, ხედირა და ა.შ.

როგორც OkDiario იტყობინება, ამჯერად, „რეალის“ ყურადღება მიიპყრო ხორვატმა მცველმა იოსკო გვარდიოლიმ. ამ უკანასკნელმა საკმაოდ მაღალ დონეზე ჩაატარა განვლილი 2 დაპირისპირება.

აღსანიშნავია, რომ ჯერ კიდევ რამდენიმე სეზონის წინ, ლუკა მოდრიჩმა ურჩია „ბლანკოსს“ „ლაიპციგის“ მოთამაშის გადაბირება.

არსებული მომენტისათვის, ანჩელოტის შემადგენლობაში ცენტრალური მცველების კვოტა გადავსებულია (მილიტაო, რუდიგერი, ალაბა, ვალეხო და ნაჩო), თუმცა სამომავლოდ პერსპექტივისთვის, გვარდიოლის კანდიდატურა შესანიშნავი ვარიანტია, ვინაიდან ის ჯერ მხოლოდ 20 წლისაა.