16 წლის ბრაზილიელი ფეხბურთელისათვის ევროპულ გრანდებს სატრანსფერო ბრძოლა აქვთ გაჩაღებული.

ენდრიკი „ბებერ კონტინენტზე“ ჩასვლასა და თამაშს 2024 წელს შეძლებს, როდესაც სრულწლოვანი გახდება, თუმცა კლუბები მანამდე აპირებენ მის გადაბირებას.

ჟურნალისტ ფაბრიციო რომანოს ცნობით, არსებული მომენტისათვის, „რეალი“ დაწინაურდა: „ბოლო კვირების განმავლობაში მადრიდელები ძალისხმევას არ იშურებდნენ ენდრიკის შესაძენად. „პსჟ“-ცა და „ჩელსიც“ აქტიურად არიან ჩართულები ამ რბოლაში, თუმცა ახლა, შეიძლება ითქვას, სამეფო კლუბი კონკურენტებზე წინ დგას.“