კილიან მბაპეს მომავალი პარიზულ გრანდში კვლავ გაურკვეველია.

The Athletic-ის ინფორმაციით, მომავალ სატრანსფერო ფანრაჯაზე ახალი საგა დაიწყება. მიუხედავად იმისა, რომ რამდენიმე თვის წინ ფრანგმა ვარსკვლავმა 2 წლით გაახანგრძლივა კონტრაქტი გუნდთან, „ლურჯები“ ზაფხულში მის სარფიანად გაყიდვას გეგმავენ, ვინაიდან 2024 წელს, ფრანგებს უანგაროდ მოუწევთ მისი გაშვება.

ერთხელ უკვე ალ-ხელაიფიმ უარი თქვა 180 მილიონზე, რომელსაც „რეალი“ იხდიდა ფეხბურთელში, თუმცა ამის მიზეზი გახლდათ კატარის მსოფლიოს ჩემპიონატი. ადგილობრივი მილიარდერის მიზანი იყო, კილიანი მუნდიალზე წარმდგარიყო როგორც „პსჟ“-ს მოთამაშე.

როგორც იწერება, ამჯერად კლუბის მესვეურები რისკზე აღარ წავლენ და მბაპეს გასხვისებით ახალი სატრანსფერო რეკორდის დამყარებას ეცდებიან.

გამოცემის ცნობით, „რეალი“ კვლავ ინარჩუნებს ინტერესს მბაპეს მიმართ.