ბოლო დღეების განმავლობაში ბენზემას მსოფლიოს ჩემპიონატზე დაბრუნებასთან დაკავშირებით არა ერთი ინფორმაცია გაჩნდა ევროპულ პრესაში.

რიგი გამოცემები იუწყებოდნენ, რომ ტრავმის მოშუშების შემთხვევაში, კარიმი კვლავ „მამლების“ რიგებში დაიდებდა ბინას.

აღნიშნულ საკითხთან დაკავშირებით კი, კომენტარი გააკეთა საფრანგეთის ეროვნული ნაკრების მთავარმა მწვრთნელმა, დიდიე დეშამმა: „ამაზე ნამდვილად არ ვფიქრობ. თქვენ კარგად იცით ბენზემას სიტუაცია და ის პერიოდი, რაც მას რეაბილიტაციისათვის ესაჭიროება. ამჟამად ჩემს განკარგულებაში 24 ფეხბურთელი იმყოფება და მთლიანად მათზე ვარ კონცენტრირებული. არ ღირს ისეთ რამეებზე საუბარი, რასაც ვერ შევცვლით.“