ესპანეთის რანგით მე-3 დივიზიონის 1-ელ ჯგუფში მე-13 ტურის მატჩები გაიმართა.

„რეალ მადრიდ კასტილიამ“ გასვლით შეხვედრაში უშუალო კონკურენტი „ლინარესი“ დაამარცხა - 0:2. შეხვედრაში ანგარიში მე-5 წუთზე სერხიო არიბასმა გახსნა, ხოლო 74-ე წუთზე საბოლოო წერტილი დოტორმა დასვა.

ამრიგად, რაულის შეგირდები უკვე 27 ქულას მოითვლიან და სატურნირო ცხრილში მე-3 პოზიციას სჯერდებიან. ისინი ლიდერ „კორდობას“ 5 ქულით ჩამორჩებიან.

„კასტილიას“ შემადგენლობა განვლილ მატჩში: დე ლუისი, მარველი (პუხოლი 85'), რაფა მარინი, კარილიო, ობრადორი (ვინისიუს ტობიასი 66'), მარტინი (ტეო ზიდანი 70'), დოტორი, გონსალესი, მარტინ ფრიასი, ალვარო როდრიგესი (ბრავო 85') და სერხიო არიბასი.