კარიმ ბენზემა ტოტალური უიღბლობის მსხვერპლი გახდა. მსოფლიოს ჩემპიონატის დაწყებამდე რამდენიმე დღით ადრე, ვარჯიშზე მიღებული ტრავმის გამო, ფეხბურთელს კატარის დატოვება მოუხდა.

ესპანური გაზეთი El Español ერთობ საინტერესო ინფორმაციას ავრცელებს. იმ შემთხვევაში, თუ „მამლები“ მუნდიალის ტიტულის დაცვას შეძლებენ, ოქროს მედალი „რეალის“ ფოვარდსაც ერგება, ვინაიდან დიდიე დეშამს მის ნაცვლად არავინ გამოუძახებია ნაკრებში, შესაბამისად, პლანეტის საუკეთესო მოთამაშე ნაკრების განაცხადიდან არ ამოურიცხავთ.

როგორც იცით, ამჟამად ბენზემა მადრიდში იმყოფება და სარეაბილიტაციო კურსს გადის.