კრიშტიანო რონალდუს აგენტი, ჟორჟე მენდეში ფლორენტინო პერესთან შესანიშნავ ურთიერთობაშია. მხარეებს ერთმანეთთან ათწლეულების მანძილზე აკავშირებთ საქმიანი ურთიერთობები...

როგორც მოგეხსენებათ, რონალდუ ბერნაბეუზე დაბრუნების იმედს ჯერ კიდევ არ კარგავდა. მეტიც, სწორედ ჟორჟე მენდეში დაუკავშირდა „ბლანკოსს“ და უთხრა, რომ ფეხბურთელი მზად არის, „მერენგების“ რიგებში უფასოდ იასპარეზოს.

ფლორენტინო პერესის პოზიცია ცნობილია. გუნდის პრეზიდენტმა მენდეშს დიპლომატიურად უპასუხა, რომ კრიშტიანო რონალდუ „რეალის“ სიმბოლო და ნამდვილი ლეგენდაა, რომელმაც კლუბის მაისურით ყველაზე მეტი გოლის გატანა შეძლო და არაერთი რეკორდი დაამყარა, თუმცა სამეფო კლუბი პორტუგალიელს კლუბში მუშაობას მას შემდეგ შესთავაზებს, რაც კრიშტიანო კარიერის დასრულების გადაწყვეტილებას მიიღებს.