მსოფლიო ჩემპიონატზე ჯგუფური ეტაპის მეორე ტურის მატჩები იმართება.

კატარის 2022 წლის მუნდიალზე სამეფო კლუბის ფეხბურთელების გზები პირველად გადაიკვეთება. დღეს, 23:00 საათზე, ესპანეთი გერმანიას დაუპირისპირდება. დანიელ კარვახალი და მარკო ასენსიო ანტონიო რუდიგერის წინააღმდეგ იასპარეზებენ. დიდი ალბათობით, სამივე სასტარტო შემადგენლობიდან დაიწყებს ასპარეზობას.

აღსანიშნავია, რომ „ფურია როხა“ 3 ქულას მოითვლის და გამარჯვების შემთხვევაში, მერვედფინალური ეტაპის საგზურს დაიბევებს, ხოლო ბუნდეს ნაკრების ანგარიშზე 0 ქულაა და შესაბამისად, მათთვის მარცხი ტურნირიდან გავარდნის ტოლფასი იქნება.

როგორც იცით, გათამაშების სადებიუტო მატჩში „წითლებმა“ 7 უპასუხო გოლი გაუტანეს კოსტა-რიკელებს, ფლიკის შეგირდებმა კი, იაპონიასთან დათმეს თამაში (1-2).

დანიელ კარვახალისათვის მომდევნო დაპირისპირება პირველი გამოდგება მიმდინარე მუნდიალზე.