„რეალი“ მორიგ დიდებულ პროექტს იწყებს.

მადრიდის „რეალმა“ და მადრიდის ავტონომიურმა გაერთიანებამ ხელი მოაწერეს შეთანხმებას, რომელიც სანტიაგო ბერნაბეუს მეტოსადგურის მოდერნიზაციას ისახავს მიზნად. აღნიშნულ ღონისძიების მონაწილე პირები იყვნენ ფლორენტინო პერესი და დიას აიუსო.

პროექტის მიზანია გაზარდოს მეტროსადგურის შესაძლებლობები, რათა მომსახურების გაწევა მოხდეს უფრო მეტი მგზავრისთვის, განსაკუთრებით მატჩების დღეებში. ამასთანავე, უნდა განხორციელდეს რიგი სამუშაოების ხელმისაწვდომობის უზრუნველყოფისა და სტადიონის მიმდებარი ტერიტორიის გაუმჯობესებისათვის, რაც გულისხმობს თანამედროვე ტექნოლოგიების დანერგვასა და სადგურის ინტერიერის დიზაინში „რეალის“ კონტურების შეტანას.

ფლორენტინო პერესი: „მიღწეული შეთანხმება საშუალებას გვაძლევს, ვიმუშავოთ ერთად, მეტროსადგურის განახლებასა და გაფართოვებასთან დაკავშირებით. ნახსენები ლოკაცია წარმოადგენს ქალაქის სიმბოლოს და ძალიან ახლოს არის ჩვენთან. „რეალი“ და მადრიდის ავტონომიური გაერთიანება იამაყებს ახალი სადგურით, რომელიც იქნება თანამედროვე, ყველასათვის ხელიმოსაწვდომი და უახლესი ტექნოლოგიებით აღჭურვილი.“

„აღნიშნული სადგური დაუკავშირდება მაღალ-ჩქაროსნულ რკინიგზასა და აეროპორტს. შესაბამისად, გახდება მსოფლიოს ნებისმიერი წერტილიდან მილიონობით ადამიანის კარბიჭე იმ ადგილისაკენ, რომელიც იქცა ავანგარდულ ხატად და დასვენებისა და გართობის უმაღლეს წერტილად, როგორც უშუალოდ ესპანეთის დედაქალაქში, ასევე სრულიად ევროპაში.“

„მთელი ეს პროექტი წარმოადგენს ტრანსფორმაციის ნაწილს არა მხოლოდ „სანტიაგო ბერნაბეუს,“ არამედ მისი მიმდებარე ტერიტორიების. ადგილობრივი მაცხოვრებლებისათვის ცხოვრების ხარისხი მეტად გაიზრდება და ისინი უფრო ინკლუზიურები გახდებიან.“

„რთულია მადრიდის წარმოდგენა „სანტიაგო ბერნაბეუს“ გარეშე. 1947 წლის 14 დეკემბრის შემდეგ, ეს სტადიონი არის დედაქალაქის ისტორიისა და ემოციების განუყოფელი ნაწილი. აქ მილიონობით ადამიანს გაუზიარებია ერთმანეთისათის ოცნებები და იმედები. უკვე 75 წლის განმაცლობაში, „ბერნაბეუ“ მადრიდის ისტორიას ეკუთვნის და ერთ-ერთი პოპულარი ადგილია ქალაქში ვიზიტორებისათვის, განურჩევლად მათი წარმომავლობისა. ისინი თითოეულ ჯერზე აღფრთოვანებულნი რჩებიან სტადიონით.“