მიმდინარე სეზონში ტონი კროოსი ბრწყინვალედ ასპარეზობს. გერმანელ ფეხბურთელს „რეალთან“ მოქმედი კონტრაქტი 2023 წლის 30 ივნისს ეწურება.

არსებული მომენტისათვის „რვიანს“ არ აქვს მიღებული გადაწყვეტილება სამომავლო გეგმებთან დაკავშირებით, თუმცა, როგორც ჩანს, ის მხოლოდ 2 ვარიანტზე ფიქრობს - ხელშეკრულების განახლება მადრიდულ გრანდთან, ან ბუცების ლურსმანზე ჩამოკიდება.

OkDiario-ს ცნობით, ბოლო პერიოდის განმავლობაში შუახაზელმა 3 მსუყე შეთავაზება დაბლოკა. მისდამი ინტერესი ისეთ კლუბებმა გამოხატეს, როგორებიც არიან „მანჩესტერ სიტი,“ „პსჟ“ და „ბაიერნი.“ მიუნხენელები საკმაოდ მიმზდიველი პირობებით ცდილობდნენ ყოფილი შეგირდის დაბრუნებას, 3 სეზონიანი კონტრაქტი, ყოველწლიურად 25 მლნ. ანაზღაურება და პლიუს სატრანსფერო ბონუსი 25 მლნ. სახით, მაგრამ ამაოდ.