როგორც იცით, მსოფლიო ჩემპიონატიდან გამომდინარე, სამეფო კლუბში არდადეგებია გამოცხადებული, თუმცა მადრიდელების უქმე დღეები დიდხანს არ გაგრძელდება.

ანჩელოტის შეგირდები 1-ელ დეკემბერს შეიკრიბებიან „ვალდებებასზე.“ ცხადია, იტალიელი დამრიგებლის განკარგულებაში ის შეგირდები იქნებიან, რომლებსაც 2022 წლის მუნდიალზე ასპარეზობის პატივი არ ერგოთ.

ანტონიო პინტუსს მოთამაშეებისათვის სპეციალური პროგრამაც აქვს შედგენილი, რათა პრიმერა დივიზიონის განახლებას, სათანადო კონდიციებში შეხვდნენ ისინი. დიდი ალბათობით, კარლიტო „რეალ მადრიდ კასტილიიდანც“ მოიწვევს რამდენიმე ფეხბურთელს სესიებისათვის.

ყატარში მიმდინარე ტურნირის დასრულების შემდეგ, „რეალი“ პირველ პაექრობას 30 დეკემბერს, „ვალიადოლიდის“ წინააღმდეგ გამართავს.