კრიშტიანუ რონალდუ, რომელმაც რამდენიმე დღის წინ ურთიერთშეთანხმების საფუძველზე თანამშრომობა გაწყვიტა „მანჩესტერ იუნაიტედთან,“ მთლიანად მსოფლიოს ჩემპიონატზეა გადართული, თუმცა ტურნირის დასრულების შემდეგ, მეგა ვარსკვლავს მომავალ ადგილსამყოფელთან დაკავშირებით გადაწყვეტილების მიღება მოუწევს.

კარიმ ბენზემას ფიზიკური კონდიციებიდან გამომდინარე, პრესაში აქტიურად განიხილავდნენ პორტუგალიელი ფეხბურთელის „რეალში“ დაბრუნების საკითხს, თუმცა გამოცემა AS-ის რედაქტორ ტომას რონსეროს ინფორმაციით, ფლორენტინო პერესი და ხოსე ანხელ სანჩესი მოვლენების მსგავს განვითარებას არ განიხილავენ. „ბლანკოსი“ კლუბის ისტორიაში საუკეთესო ბომბარდირს მეორე შანსს არ მისცემს.

ამასთანავე, იანვრის სატრანსფერო ფანჯარაზე მადრიდელები არ აპირებენ რომელიმე ფორვარდისათვის ბრძოლას.