საფრანგეთის ეროვნული ნაკრები ტოტალური უიღბლობის მსხვერპლია.

გარდა იმისა, რომ დიდიე დეშამის განკარგულებაში ტრავმების გამო არ არიან კანტე, პოგბა, ნკუნკუ და ბენზემა, მუნდიალის საწყის შეხვედრაში დაზიანება მიიღო ლუკას ერნანდესმაც და ვერც ის შეძლებს თანამემაულეებისათვის დახმარების გაწევას მომდევნო პაექრობებში.

„ბაიერნის“ მცველის ადგილს სასტარტო თერთმეტეულში მისივე ძმა, ტეო დაიკავებს, თუმცა თუ ეს უკანასკნელიც რაიმე მიზეზით ვერ შეძლებს მოედანზე გასვლას, მარცხენა ფრთაზე ედუარდო კამავინგა დაიდებს ბინას.

ცხადია, აღნიშნული პოზიცია სრულიად უცხოა ახალგაზრდა ნახევარმცველისათვის, მაგრამ როგორც ფრანგული პრესა იტყობინება, გუნდის უკანასკნელ სესიებზე, მწვრთნელი ზუსტად ამ ამპლუაში ავარჯიშებს ედის.