კურტუა:„აზარი მუნდიალზე გაიბრწყინებს“
ტიბო კურტუამ ჟურნალისტებს ვრცელი ინტერვიუ მისცა, სადაც საინტერესო საკითხები მიმოიხილა...
„მადრიდის „რეალში“ თამაში ავტომატურად ნიშნავს იმას, რომ უდიდეს ზეწოლას უნდა გაუძლო, მაგრამ მე ამისთვის მზად ვარ. მსოფლიოს საუკეთესო კლუბში თამაში მსხვერპლს აუცილებლად მოითხოვს.“
„ეს არის საუკეთესო გასახდელი, სადაც კი ოდესმე ვყოფილვარ. ანჩელოტიმ კოლექტივი ბრწყინვალედ შეკრა. ახალგაზრდები და გამოცდილი მოთამაშეები ერთობლივად საოცარ სინთეზს ქმნიან.“
„ჩვენ ოჯახებით ვმეგობრობთ. ხშირად ვსადილობთ მეუღლეებთან ერთად და ვცდილობთ, კლუბის წარმატებაზე ვისაუბროთ.“
„2 წლის წინ ისეთი ძლიერი არ ვიყავი, როგორიც ახლა. მართალია, ამ სეზონში ბევრი გოლი გავუშვი, მაგრამ მაინც მოწოდების სიმაღლეზე ვდგავარ. ჩემთვის კარის მშრალად შენახვა ძალიან სასიამოვნოა.“
„ვფიქრობ, არსებობს ასპექტები, რომლის გაუმჯობესებაც შემიძლია. ფეხბურთელი სრულყოფილებას ვერასდროს აღწევს. ყოველთვის შეიძლება გარკვეული მანევრის გაუმჯობესება.“
„კარიმს, მოდრიჩს, ტონის და სხვებს უდიდესი გამოცდილება აქვთ, მაგრამ ისინი ყველა სეზონს ისე იწყებენ, როგორც პირველს. მათი მოტივაცია მართლაც დასაფასებელია.“
„ეროვნულ ნაკრებთან ერთად დიდი გეგმები მაქვს. ბელგიას შეუძლია ჩემპიონობა და ამისთვის თითოეული ფეხბურთელი ბოლომდე დაიხარჯება.“
„აზარის სახით საამაყო კაპიტანი გვყავს და ვიცი, რომ ის გაიბრწყინებს.“
„ბენზემას არყოფნა მსოფლიო ჩემპიონატისთვის დიდი დანაკლისია. კარიმმა სულ რამდენიმე კვირის წინ ოქროს ბურთი მიიღო. საუკეთესო მოთამაშის გარეშე ისტორიული ტურნირის გამართვა რა თქმა უნდა სამწუხაროა.“
- 23 ნოემბერი 2022
- 659
- 7