მსოფლიო ჩემპიონატის დასრულების შემდეგ, ყველაზე აქტუალური თემა კრიშტიანუ რონალდუს კარიერა გახდება. როგორც უკვე იცით, პორტუგალიელი მეგა ვარსკვლავი „მანჩესტერ იუნაიტედის“ ფეხბურთელი აღარ არის.

ცხადია, „რეალის“ ყველა დროის საუკეთესო ბომბარდირის დამატებაზე არცერთი კლუბი იტყვის უარს, მაგრამ, „მარკას“ ინფორმაციით, არსებული მომენტისათვის „შვიდიანის“ მიმართ ყველაზე დიდ სიმპათიებს გამოხატავს „ნიუკასლი,“ რომელიც მიმდინარე სეზონში პრემიერ ლიგის ლიდერებს შორის გაერია. პარალელურად, რონალდუს გადაბირებას ეცდება საუდის არაბეთის გრანდი „ალ ნასრი.“

აღსანიშნავია, რომ „შავ-თეთრებს“ განვლილ ზაფხულსაც სურდათ რონალდუს გაფორმება.

მსურველი კლუბი სრულიად უფასოდ დაიმატებს კრიშტიანუს.