2023 წლის ზაფხულის სატრანსფერო ფანჯარაზე ახალგაზრდა ნახევარმცველი „რეალის“ მთავარი სამიზნე იქნება.

19 წლის ფეხბურთელი ინგლისის ნაკრებთან ერთად უკვე ჩაერთო მსოფლიოს ჩემპიონატის მიმდინარეობაში. ირანთან გამართულმა პაექრობამაც ცხადყო, თუ რა პოტენციალის მქონე მოთამაშესთან გვაქვს საქმე, როდესაც ჯუდ ბელინგემზე ვსაუბრობთ. მან 35-ე წუთზე თავური დარტყმით ანგარიშის გახსნა მოახერხა და ასევე დიდი წვლილი შეიტანა ბრიტანელების მესამე და მეექვსე გოლებში. ამასთან, დორტმუნდელი ერთ-ერთი საუკეთესო იყო მოედანზე.

არსებული მომენტისათვის ბელინგემის სატრანსფერო ღირებულება საკმაოდ მაღალია (150 მლნ. ევროს ფარგლებში), თუმცა მუნდიალის დასრულების შემდეგ, სავარაუდოდ, აღნიშნული მაჩვენებელი კიდევ უფრო ასტრონომიული გახდება.

ესპანური პრესის ინფორმაციით, „ბორუსიას“ ნახევარმცველისათვის ბრძოლაში მადრიდელებს „ლივერპული“ გაუწევს კონკურენციას. კლოპს მეტად ესიმპათიურება ის.

„რეალს“ კი მიზნად აქვს დასახული უძლეველი ნახევარდაცვის ფორმირება, რომელიც ბელინგემის მოსვლით სრულად დაკომპლექტდება.