კარიმ ბენზემა მიღებული ტრავმის გამო მსოფლიოს ჩემპიონატს გამოტოვებს. აღსანიშნავია, რომ დიდიე დეშამი მის ნაცვლად არავის გამოძახებას არ აპირებს.

ურუგვაის ნაკრების ყოფილმა ვარსკვლავმა დიეგო ლუგანომ, რომელიც არსებული მომენტისათვის ერთ-ერთი ფრანგული ტელეარხის კომენტატორია, საინტერესო განცხადება გააკეთა: „საფრანგეთის ეროვნულ ნაკრებში არიან ადამიანები, რომლებსაც ბენზემას გამოთიშვა მეტად გაუხარდათ. მე არა მხოლოდ ვფიქრობ ასე, არამედ დარწმუნებულიც ვარ. რამდენიმე ფეხბურთელი განვლილ წლებში ჩემი თანაგუნდელიც იყო.“

„მსგავსი რაღაცები არასდროს მოხდება ურუგვაის, ბრაზილიის ან არგენტინის გუნდებში. ყველაფერი იმაზეა დამოკიდებული, თუ როგორ აყალიბებს მწვრთნელი შემადგენლობას და როგორ ზრუნავს ის შეგირდებზე პირადად.“