მსოფლიოს მოქმედ ჩემპიონებს იღბალი არ სწყალობთ. პოლ პოგბასა და ნგოლო კანტეს მსგავსად, „მამლებს“ კარიმ ბენზემაც ვერ დაეხმარება მუნდიალზე.

ფრანგული პრესის ინფორმაციით, ამჯერად ჯანმრთელობის პრობლემები აწუხებს ედუარდო კამავინგას. „რეალის“ ნახევარმცველმა გუნდის განვლილი ვარჯიში დისკომფორტის მიზეზით გამოტოვა. RrmSport-ის ცნობით, ახალგაზრდა ფეხბურთელს მსუბუქი ტკივილები აწუხებდა და დიდიე დეშამმა დასვენების საშუალება მისცა მას, რათა სიტუაცია არ გართულებულიყო.

შეგახსენებთ, რომ „ლურჯები“ ჯგუფური ეტაპის პირველ დაპირისპირებას 22 ნოემბერს, ავსტრალიის წინააღმდეგ ჩაატარებენ.