ესპანური გამოცემების ცნობით კარლო ანჩელოტიმ კარიმ ბენზემასთან შეხვედრა ჩანიშნა. ფრანგი ფეხბურთელი უკვე ესპანეთის დედაქალაქში იმყოფება...

შეხვედრის მთავარი მიზანი სამომავლო გეგმების დასახვა იქნება. აღნიშნულ აუდიენციას აუცილებლად დაესწრება „რეალის“ ფიზ.მომზადების მწვრთნელი ანტონიო პინტუსიც, რომელიც აღდგენითი კურსის გავლის შემდეგ ბენზემას პრე-სეზონს დაგეგმავს.

კარიმის დაბრუნებას 20-იდან 25 დღემდე დასჭირდება, რაც იმას ნიშნავს, რომ დეკემბრის ბოლო გასამართი დაპირისპირებისთვის „9“-იანი სრულ მზადყოფნაში იქნება.

ანჩელოტის სურს, რომ ფორვარდთან დაკავშირებით დეტალური ინფორმაცია მოისმინოს და მას სრულფასოვანი აღდგენითი კურსის ჩატარების საშუალება მისცეს, რადგან სეზონის მეორე ნახევარში ოქროს ბურთის მფლობელის როლი ძალიან დიდი იქნება.