ედენ აზარმა ფრანგულ L'Equipe-თან ჩაწერა ინტერვიუ.

„„ჩელსის“ შემადგენლობაში ყოველთვის საუკეთესო დონეზე ვასპარეზობდი. სამეფო კლუბში რამდენიმე კარგი შეხვედრა ჩავატარე ზიდანის ეპოქაში. ჩვენ გვქონდა კომუნიკაცია, როდესაც ის წავიდა და მითხრა, რომ განაწყენებული იყო, ვინაიდან ჩემგან მეტს მოელოდა. კარლო ანჩელოტისთან ბევრს არ ვსაუბრობ. ბოლოს სეზონის სტარტზე გვქონდა დიალოგი. ზოგადად არ მიყვარს მწვრთნელებთან საუბარი და ანგარიშის ჩაბარება იმის შესახებ, თუ რა გავაკეთე ან რა არა.“

„ვფიქრობ, 2018 წელს 10 საუკეთესო ფეხბურთელს შორის ვიყავი. მას შემდეგ ბევრი ტანჯვა გავიარე, როგორც მენტალური, ასევე ფიზიკური. ამის აღიარების არ მერიდება.“