მსოფლიოს ჩემპიონატის გამო, საკლუბო ფეხბურთი დაპაუზებულია.

ხესუს ვალეხომ, რომელსაც მიმდინარე სეზონში მხოლოდ ერთხელ მიეცა თავის გამოჩენის საშუალება, დასვენებაზე უარი თქვა და „რეალ მადრიდ კასტილიას“ მოთამაშეებთან ერთად ვარჯიშობს.

მიუხედავად იმისა, რომ ცენტრალურ მცველს კარლო ანჩელოტის ნდობა არ აქვს, ის მაინც ცდილობს ფიზიკური კონდიციების შენარჩუნებასა და გაუმჯობესებას. არაგონელის სურვილია მთავარი მწვრთნელის ყურადღება მიიპყროს.

ვალეხოს განვლილ სეზონშიც ვერ დაიტრაბახებდა სათამაშო დროით, თუმცა განსაკუთრებით დასამახსოვრებელია მისი გამოსვლა „მანჩესტერ სიტისთან“ შეხვედრაში და საკმაოდ დაძაბულ წუთებში დაფიქსირებული მაღალი სათამაშო დონე.