ედენ აზარის მადრიდული კარიერა საკმაოდ უღიმღამოდ გამოიყურება და შესაბამისად, მას „რეალის“ დატოვებას უწინასწარმეტყველებენ.

პრესაში გავრცელებული ინფორმაციის თანახმად, ბელგიელი შემტევის გადაბირებით 3 კლუბია დაინტერესებული. „ნიუკასლი,“ „ასტონ ვილა“ და „იუვენტუსი“ შეეცდებიან ფეხბურთელს სარფიანი შეთავაზება გაუკეთონ.

ჩამოთვლილი კლუბებიდან ფეხბურთელისადმი ყველაზე დიდ სიმპათიას პრემიერ ლიგის ლიდერებში გარეული „ნიუკასლი“ გამოხატავს.

მიმდინარე სეზონში კარლო ანჩელოტი, ფაქტობრივად, არ უცხადებს ნდობას „შვიდიანს,“ რომელიც ახლა ეროვნულ ნაკრებთან ერთად მუნდიალისათვის ემზადება.