როგორც იცით, მადრიდული კარიერის დასრულების შემდეგ, მარსელო „ოლიმპიაკოსში“ გადაბარგდა.

ბერძნულ კლუბში უკმაყოფილონი არიან ბრაზილიელის კონდიციებით და სწორედ ამიტომაც, მიჩელმა მას მხოლოდ ორჯერ მისცა თავის გამოჩენის საშუალება და ისეთი გუნდებთან მატჩის განაცხადში არ შეიყვანა, როგორებიც არიან „აეკი“ და „პანათინაიკოსი.“ განაპირა მცველს წონის პრობლემაც აწუხებს.

ადგილობრივი მედიასაშუალებების ინფორმაციით, დიდი ალბათობით, მარსელო იანვარშივე დატოვებს პირეოსთა რიგებს. მისი გადაბირებით დაინტერესებულნი არიან თურქული „ბეშიქთაში“ და ამერიკული „ლოს ანჯელესი.“