არგენტინელი სპეციალისტი არსებული მომენტისათვის უმუშევარია.

2018 წელს, როდესაც ზიდანი წავიდა სამეფო კლუბიდან, „რეალი“ სერიოზულად განიხილავდა მაურისიო პოჩეტინოს კანდიდატურას, თუმცა ამ უკანასკნელს ახალი განახლებული ჰქონდა კონტრაქტი „ტოტენჰემთან,“ შესაბამისად, მადრიდელებმა მისი გადაბირება ვერ მოახერხეს.

„არ ვფიქრობ, რომ მატარებელმა ჩაიარა. საჭიროა მოთმინება და ლოდინი. ფეხბურთში დომინანტი არის დრო“ - ასე გამოეხმაურა პოჩეტინო „რეალში“ მუშაობის თემას.

„„პსჟ“-სა და „რეალის“ შარშანდელ დაპირისპირებაში, ბენზემას გოლის შემდეგ ყველაფერი დასრულდა. ეჭვგარეშეა, რომ რაღაც ვერ გავაკეთეთ, ვინაიდან მომდევნო ეტაპზე მადრიდელები გავიდნენ. მწვრთნელი ბევრ გადაწყვეტილებას იღებს, რომელიც ზოგჯერ სწორია, ზოგჯერ კი პირიქით.“