სამეფო კლუბის ოფიციალური ვებგვერდი სასიამოვნო და საინტერესო სიახლის შესახებ იუწყება.

მადრიდის „რეალი“ და Dubai Parks and Resorts-მა ხელი მოაწერეს შეთანხმებას, ახლო აღმოსავლეთში „რეალის“ პირველი თემატური პარკის გახსნის შესახებ. ახალი გამოცდილება ოჯახებს, ფეხბურთისა და ზოგადად სპორტის გულშემატკივრებს, განურჩევლად ასაკისა, მისცემს შესაძლებლობას ისარგებლონ მსოფლიოს საუკეთესო საფეხბურთო კლუბის კულტურით.

პარკის სტუმრებს საშუალება მიეცემათ იცხოვრონ ინტერაქტიული გამოცდილებით, სიამოვნება მიიღონ უნიკალური ატრაქციონებითა და თამაშებით. ყველაფერი შთაგონებული იქნება იმ სულისკვეთებით, ღირსებითა და წარმატებით, რაც „რეალს“ მე-20 საუკუნის საუკეთესო კლუბად აქცევს.

თემატური პარკის გახსნა დაგეგმილია 2023 წლის მეოთხე კვარტალში. ის შეიცავს სხვადასხვა ატრაქციებს, რომელიც დაკავშირებული იქნება „რეალთან.“

კომპანიის აღმასრულებელი დირექტორი ფერნანდო ეიროა: „ჩვენ მოხარულნი ვართ, რომ კლუბმა სწორედ Dubai Parks and Resorts აირჩია, რეგიონში საუკეთესო საერთაშორისო გასართობი ბრენდის შემოტანის პროცესში. „რეალი“ გლობალური ფეხბურთის მეგავარსკვლავია, უბადლო რეკორდებითა და მილიონობით მგზნებარი გულშემატკივირით მსოფლიოს მასშტაბით.