ანტონიო რუდიგერმა გერმანიის ნაკრების ამხანაგური დაპირისპირება ომანის წინააღმდეგ გამოტოვა. ფლიკმა „რეალის“ ფეხბურთელს, რომელსაც მცირედი დისკომფორტი აწუხებდა, მუნდიალამდე დასვენების საშუალება მისცა.

როგორც Sport Bild-მა გაარკვია, მადრიდში გადაბარგების შემდეგ, ტონიმ კეილორ ნავასის სახლი იქირავა და დროებით იქ ცხოვრობს. საინტერესო ფაქტი ის არის, რომ მსოფლიოს ჩემპიონატის ჯგუფურ ეტაპზე, ბუნდეს ნაკრებს კოსტა-რიკასთანაც მოუწევს ასპარეზობა და გამოცემამ კითხვით მიმართა ფეხბურთელს, იმ შემთხვევაში, თუ ევროპელები შემდეგ ეტაპზე გასვლის საშუალებას არ მისცემენ ამერიკელებს, „პსჟ“-ს მოქმედი კიპერი ხომ არ მოსთხოვს საცხოვრებლის დატოვებას „ბლანკოსის“ ახალწვეულს: „ვფიქრობ, მსგავსი არაფერი მოხდება, ვინაიდან დროულად ვიხდი ქირას. კეილორი დიდებული მეკარეა, რომელსაც სათანადოთ ვაფასებ, თუმცა ჩვენი მიზანია მათი დამარცხება“ - დასძინა რუდიგერმა.

აღნიშნული ნაკრებების პაექრობა 1-ელ დეკემბერს გაიმართება.