კარლო ანჩელოტიმ იტალიურ ტელევიზიასთან ისაუბრა.

„მე და დავიდეს საკმაოდ პირდაპირი ურთიერთობა გვაქვს. მას ისეთი რაღაცების თქმა შეუძლია ჩემთვის, რაც სხვას არა. სათადარიგო სკამზე მშვიდად არასდროს ვარ.“

„საუკეთესო ფეხბურთელები ვისთან ერთადაც მითამაშია არიან - ვან ბასტენი, ბარეზი და მალდინი, ხოლო მწვრთნელის რანგში ჩემი საუკეთესო შეგირდების რიგები შემდეგნაირად გამოიყურება: კრიშტიანუ რონალდუ, რონალდო ნაზარიო, იბრაჰიმოვიჩი, ბენზემა, ვინისიუსი და ბევრი სხვა.“

„VAR-ის დანერგვამდე გოლის გატანის შემდეგ დიდი დრო ეთმობოდა აღნიშვნას, ახლა კი ფეხბურთელები მოზომილნი არიან და ელოდებიან დადასტურებას, მაგრამ დადებითი მხარე ის არის, რომ შესაძლებელია საკუთარ კარში მიღებული გოლი არ ჩათვალონ.“

„რა თქმა უნდა, მირჩევნია ცუდად ვითამაშო და მოვიგო, ვიდრე პირიქით. როგორ ჯობია, ძლიერი ფეხბურთელები და სუსტი მენეჯერი, თუ ძლიერი მენეჯერი და სუსტი ფეხბურთელი? არაკვალიფიციური მოთამაშეებით ვერაფერს გახდები.“