ხორვატიის ეროვნულმა ნაკრებმა მსოფლიოს ჩემპიონატის დაწყებამდე ბოლო ამხანაგური შეხვედრა გამართა.

დალიჩის შეგირდები საუდის არაბეთში ჩაფრინდნენ, სადაც ადგილობრივ ნაკრებს დაუპირისპირდნენ. პაექრობა ევროპელების გამარჯვებით დასრულდა. ერთადერთი გოლი კრამარიჩის ანგარიშზეა, რომელსაც ლუკა მოდრიჩმა გაუკეთა ასისტი.

აღსანიშნავია, რომ მადრიდელი ნახევარმცველი 65-ე წუთიდან ჩაერთო მატჩის მიმდინარეობაში.

ხორვატები მუნდიალზე 23 ნოემბერს აიღებენ სტარტს. მათი მეტოქე მაროკო იქნება. 27 ნოემბერს ისინი კანადას შეერკინებიან, ხოლო 1-ელ დეკემბერს ბელგიას.