ბელგიის ეროვნული ნაკრების მთავარმა მწვრთნელმა, რობერტო მარტინესმა ტიბო კურტუას მისამართით საქებარი სიტყვები არ დაიშურა.

„ტიბომ 2018 წლის შემდეგ მნიშვნელოვნად გააუმჯობესა თამაში. ჩემი აზრით, ის პირველი მეკარეა, რომელმაც ასეთი ზეგავლენა იქონია ჩემპიონთა ლიგის მოგებაზე. ფეხბურთში ყოველთვის სხვა კრიტერიუმებით ვაფასებთ კარის დარაჯებს, თუმცა, ჩემი აზრით, კურტუა იმსახურებს „ოქროს ბურთს.“ მართალია აღნიშნული პოზიციის მოთამაშემ ბოლოს 70-იან წლებში მოიგო ეს ჯილდო, მაგრამ ჩ/ლიგაზე ნაჩვენები შედეგები ტიბოს უნიკალურ ფეხბურთელად აქცევს.“

„ჩვენ ჯერ კიდევ განვლილ მუნდიალზე ვნახეთ მისი შესაძლებლობები, როდესაც ის ტურნირის საუკეთესო მეკარე გახდა. ამის შემდეგ გოლკიპერს საკმაოდ რთული პერიოდი ჰქონდა, სანამ „რეალში“ გადაბარგდებოდა. კურტუა არასდროს ეგუება წაგებას და ყოველთვის მთელი ძალისხმევით მუშაობს. ვამაყობთ მისით.“

BD