მსოფლიოს ჩემპიონატის დაწყებამდე 3 დღით ადრე (17 ნოემბერს), დუბაიში, 2022 წლის Globe Soccer Awards-ის გალა დაჯილდოვების ცერემონია გაიმართება.

მომავალ ღონისძიებაზე 21 ნომინაციაში გამოავლენენ გამარჯვებულს. მათ შორის ყველაზე საინტერესოა - წლის საუკეთესო ფეხბურთელი, წლის საუკეთესო მწვრთნელი, წლის საუკეთესო კლუბი, წლის საუკეთესო პრეზიდენტი, წლის საუკეთესო ახალაგზრდა ფეხბურთელი და წლის საუკეთესო ფეხბურთელი გულშემატკივრების ვერსიით (TikTok Fan Award).

წლის საუკეთესო ფეხბურთელზე ნომინირებულნი არიან: კარიმ ბენზემა, ტიბო კურტუა, ლუიშ დიაში, ერლინგ ჰალანდი, კილიან მბაპე, სადიო მანე, რობერტ ლევანდოვსკი, ლიონელ მესი, კრიშტიანუ რონალდო და მოჰამედ სალაჰი.

წლის საუკეთესო მწვრთნელზე ნომინირებულნი არიან: კარლო ანჩელოტი, აბელ ფერეირა, რენატო გაუჩო, ხოსეპ გვარდიოლა, იურგენ კლოპი, ჟოზე მოურინიო და სტეფანო პიოლი.

წლის საუკეთესო კლუბზე ნომინირებულნი არიან: მადრიდის „რეალი,“ „ფლამენგო,“ „პსჟ,“ „პალმეირასი,“ „მანჩესტერ სიტი,“ „ლივერპული,“ „რომა,“ „მილანი,“ „ალ-ხილალი“ და „ვიდადი.“

TikTok Fan Award-ზე ნომინირებულნი არიან: ტიბო კურტუა, კარიმ ბენზემა, ერლინგ ჰალანდი, კევინ დე ბრუინი, რობერტ ლევანდოვსკი, ლიონელ მესი, კრიშტიანუ რონალდუ და მოჰამედ სალაჰი.

წლის საუკეთესო პრეზიდენტზე ნომინირებულნი არიან: ფლორენტინო პერესი, პაოლო სკარონი და ხალდუნ ალ მუბარაკი.

წლის საუკეთესო ახალგაზრდა ფეხბურთელზე ნომინირებულნი არიან: ფედერიკო ვალვერდე, გავი და ვიკტორ ოსიმენი.

ხმის მიცემა შეგიძლიათ მოცემულ ლინკზე...