2023 წელი საკმაოდ დატვირთული იქნება სხვადასხვა ასაკობრივი ნაკრების ტურნირებით.

როგორც ცნობილია, 19 იანვრიდან 12 თებევრლის ჩათვლით, CONMEBOL-ის ორგანიზებით, სამხრეთ ამერიკის 20 წლამდელთა ჩემპიონატი ჩატარდება, რომელსაც კოლუმბია უმასპინძლებს.

აღსანიშნავია, რომ ურუგვაის 20 წლამდელთა ნაკრების გაფართოვებულ განაცხადში მოხვდა „რეალ მადრიდ კასტილიას“ ფორვარდი ალვარო როდრიგესი. ეს უკანასკნელი მიმდინარე სეზონში შესამჩნევ პროგრესს განიცდის.

18 წლის ტანმაღალი (1 მ. & 92 სმ.) ფეხბურთელი წლეულს ჩატარებულ 11 პაექრობაში 3 შედეგიან დარტყმას მოითვლის. ის მალე გააუმჯობესებს განვლილი სეზონის შედეგსაც (4 გოლიან მაჩვენებელს).

მისდამი დაინტერესება საკმაოდ დიდია - 22 ოქტომბერს, „სევილიასთან“ დაპირისპირებაში, ანჩელოტიმ როდრიგესს მთავარი გუნდის განაცხადში ყოფნის საშუალება მისცა.

ცნობისათვის, ალვაროს ესპანეთის 18 წლამდელთა გუნდის რიგებშიც აქვს ჩატარებული თამაში, თუმცა, როგორც ჩანს, მისი სამომავლო გეგმები „ლა სელესტეს“ უკავშირდება.