„რეალისა“ და „კადისის“ განვლილი დაპირისპირება (2-1) საკმაოდ დაძაბულ ვითარებაში წარიმართა. ერთ-ერთი ეპიზოდის დროს, სტუმარი გუნდის ფეხბურთელმა ფალი ხიმენესმა მეტად აგრესიულად ითამაშა როდრიგოს წინააღმდეგ, თუმცა შეხვედრის მთავარმა მსაჯმა ამ უკანასკნელს ყვითელი ბარათიც კი არ უჩვენა.

„როდრიგოსთვის ბურთის წართმევის განზრახვა მქონდა და არა ზიანის მიყენების. თუ შენელებული კადრით გადავახვევთ აღნიშნულ ეპიზოდს, იმაზე მძიმედ მოგვეჩვენება, ვიდრე რეალურად იყო. რა თქმა უნდა, მყისვე მოვუბოდიშე ბრაზილიელს

არიან მოთამაშეები, რომლებსაც ბევრის ატანა უწევთ მოედანზე. ვინისიუსმა ჩვენ გვითხრა, რომ „კადისი“ მეორე დივიზიონის გუნდია. ცხადია, თამაშის მიმდინარეობისას ფეხბურთელები საუბრობენ, თუმცა ყველაფერს აქვს საზღვარი და მისი გადაკვეთა დაუშვებელია.

ვინისიუსი და როდრიგო კარგი ბიჭები არიან. მე ცუდს არაფერს ვიტყვი მასზე. უმჯობესია, რომ საერთოდ არ გავაკეთო კომენტარი. ისეთ კლუბში, როგორიც „რეალია,“ საჭიროა საკუთარი ქმედებების კონტროლი. ჩვენ უფრო მეტად უნდა ვცეთ პატივი ერთმანეთს, ვინაიდან ერთ საქმეს ვემსახურებით“ - დასძინა ნამატჩევს ფალი ხიმენესმა.

MARCA