როგორც იცით, ესპანეთის ფეხბურთის ფედერაციაში კარლო ანჩელოტისთან დაკავშირებით დისციპლინური პროცესი მიმდინარეობდა.

იტალიელ მწვრთნელს თავისივე სიტყვების გამო უპირებდნენ გასამართლებას, რომელიც მან „ჟირონასთან“ ნამატჩევს განაცხადა - „მოგონილი პენალტი.“ დამრიგებლის აზრით, მოცემულ ეპიზოდში ასენსიოს ბურთი ჯერ მკერდზე შეეხო და შემდეგ ხელზე. აქედან გამომდინარე, მსაჯის გადაწყვეტილება არასწორი იყო.

„მარკას“ ცნობით, „რეალის“ დამრიგებელს 4 მატჩიანი დისკვალიფიკაცია აღარ ემუქრება, ვინაიდან შესაბამისმა კომიტეტმა შეწყვიტა საქმის წარმოება.