მაშ ასე, მადრიდის „რეალმა“ ჩემპიონთა ლიგის 2022/23 წლების გათამაშების ჯგუფური ეტაპი ლიდერის რანგში დაასრულა...

6 ჩატარებული დაპირისპირებიდან ანჩელოტის კოლექტივმა 4 მოიგო, 1 ფრედ დაასრულა და 1 წააგო, საბოლოო ჯამში კი 13 ქულას მოუყარა თავი და პირველ ადგილზე გავიდა.

6 მატჩში „მერენგებმა“ 15 გოლის გატანა შეძლეს, საკუთარ კარში კი 6 გაუშვეს და საბოლოო ჯამში +9 ბურთიანი ბალანსი დააფიქსირეს.

ჩემპიონთა ლიგის 1/8 ფინალში „ბლანკოსის“ მეტოქე სხვა ჯგუფებში გასული მეორეადგილოსნებიდან ერთ-ერთი იქნება.

შეგახსენებთ, მომდევნო ეტაპის წილისყრა 7 ნოემბერს შედგება.