ანტონიო რუდიგერმა „ლაიფციგთან“ მატჩის წინ პრესკონფერენცია გამართა...

„ლაიფციგს“ კარგად არ ვიცნობ, ამ გუნდთან თამაშის გამოცდილება არ მაქვს, მაგრამ ვიცი, რომ სწრაფი და დინამიური გუნდია. ტიმო ვერნერს ყველაზე სახიფათო მოწინააღმდეგედ მივიჩნევ, მას წარმატებას ვუსურვებ მსოფლიო ჩემპიონატზე, მაგრამ არა „რეალთან“ მატჩში.“

„სიმართლე გითხრათ, მეც კი გაოცებული ვარ იმით, თუ როგორ სწრაფად მოვახდინე ადაპტირება და გუნდზე მორგება. მართალია მუდმივი თამაში არ მიწევს, მაგრამ მჯერა, რომ მოედანზე უფრო მეტი დროის გატარებას შევძლებ. ადაპტაციაში დიდი როლი ითამაშეს ტონი კროოსმა და დავიდ ალაბამ, ისინი ყველა მიმართულებით მეხმარებოდნენ.“

„დარწმუნებული ვარ, მოვა დრო, როდესაც ვინისიუს ჟუნიორი ოქროს ბურთის მოგებას შეძლებს. ჩვენ ერთმანეთთან ესპანურ ენაზე ვსაუბრობთ, ახალგაზრდა ყოველთვის მეხმარება სიტყვების უკეთ წარმოთქმაში.“

„კროოსი ტოპ კლასის ფეხბურთელია და დიდი იმედი მაქვს, კონტრაქტს განაახლებს. თუ ტონი კარიერას დაასრულებს, ყველა მადრიდისტას გულს დაწყვეტს, ვინაიდან შესანიშნავ სათამაშო კონდიციასი იმყოფება, ის ასევე აკლია ბუნდესნაკრებს.“

„ის, რომ ოქროს ბურთის გაფართოვებულ სიაში მოვხვდი სასიამოვნოა, მაგრამ ჩემთვის არაფერს ცვლის.“