ჩავი ერნანდესი ლა ლიგაში ნაჩვენები შედეგებით კმაყოფილია...

„მიუხედავად იმისა, რომ დიდი კრიტიკა დაგვატყდა თავს, „ბარსელონას“ შედეგები ურიგო არ არის. ჩვენ ესპანეთის შიდა პირველობაზე განსაკუთრებული სტაბილურობა ვაჩვენეთ.“

„სამწუხაროდ, თამაშის ხარისხი შედეგის მიხედვით განისჯება. პირადად მე „ინტერთან“ ასპარეზობით კმაყოფილი ვიყავი, მაგრამ ტაბლოზე სხვა რეალობა აისახა.“

„ნუ დაგავიწყდებათ, რომ „ბარსელონას“ „რეალთან“ მხოლოდ 3 ქულიანი სხვაობა აქვს, სეზონი კი ძალიან გრძელია.“

„ვერ დავეთანხმები ვერავის, ვინც აცხადებს, რომ ლა ლიგის დონემ იკლო. პირიქით, კონკურენცია პიკს აღწევს. ანჩელოტის გუნდის გარდა ჩვენ გვიწევს დიდი ბრძოლა „ატლეტიკოსთან“, „სოსიედადთან“ და სხვა ძალიან კარგ გუნდებთან.“