ფედერიკო ვალვერდემ „ელჩესთან“ მატჩის შემდეგ კომენტარი გააკეთა...

„დიახ, სეზონის სტარტზე ანჩელოტიმ მითხრა, რომ 10 გოლი უნდა გამეტანა. საკმაოდ კარგი მუხტით დავიწყე, ამ საუბარმა თვითდაჯერება შემმატა. მიხარია, გომ გუნდისთვის სასარგებლო საქმეს ვაკეთებ. კმაყოფილი ვარ, როგორც პირად, ასევე კოლექტიურ დონეზე.“

„აუცილებლად აღსანიშნავია ლუნინის კარგი თამაში. „ელჩე“ რამდენიმე მომენტი ჰქონდა, მაგრამ უკრაინელმა კიპერმა გადაგვარჩინა.“

„ბევრს ვმოძრაობდით, რაც სივრცეებს ქმნიდა, საბოლოო ჯამში კი მეტოქის კარში რამდენიმე გოლის გატანა შევძელით. „ელ კლასიკო“ ყოველთვის დიდ ენერგიას მოითხოვს, როგორც ფსიქოლოგიური, ასევე ფიზიკური თვალსაზრისით. სწორედ ამიტომ „ელჩესთან“ მატჩს ძალიან სერიოზულად მივუდექით და ვეცადეთ, რომ 3 ქულა ჩაგვეწერა აქტივში. თუ შიდა ჩემპიონატის მოგება გვსურს, სტაბილურობა აუცილებელია.“

„3 გოლი გაგვიუქმეს. წარმოიდგინეთ, ზეიმობ გატანილ ბურთს და უცებ იგებ, რომ თამაშგარეა. ეს ძალიან ცუდად მოქმედებს ფეხბურთელებზე, მაგრამ არსებულ წესებს ვერ შევეწინააღმდეგებით.“