როგორც მოგეხსენებათ, სამეფო კლუბმა გუშინ კლუბ ამერიკასთან პირველი მატჩი გამართა და 2-3 იმარჯვა. ამ მატჩში ბევრი რამ იყო საინტერესო. მოურინიოს დებიუტი, ახალწვეულების კარგი თამაში და ა.შ. მაგრამ ასევე იყო სიახლე, რომელიც ნომრებს შეეხებოდა...

კრიშტიანო რონალდოს 7 ნომრიანი მაისური ეცვა, კარიმ ბენზემას 9. ამ ყველაფერთან ერთად ვრცელდება ინფორმაცია , რომ გუტის ნომერს ხაბი ალონსო დაეპატრონება. ანხელ დი მარიას ჯერჯერობით 22 ნომრიანი მაისური ეცვა, მაგრამ დიდი შანსია ეს ნომერი მან შეცვალოს.

ეს ყველაფერი თითქოს ჩვეულებრივი ამბავია, მაგრამ ესპანელ ჟურნალისტებს ერთი საინტერესო ფაქტი არ გამორჩენიათ. მატჩის განაცხადში შეყვანილი იყო ალვარო არბელოა, რომელსაც ნუმერაციით 17 ნომერი შეხვდა. ესპანელი მცველი შარშან 2 ნომრიანი მაისურით თამაშობდა და ამ ნომერში მას არავინ ეცილებოდა, ახლა კი 2 ნომრიანი მაისური სამეფო კლუბში ცარიელია. რამ განაპირობა ეს? ჟურნალისტების აზრით ეს ყველაფერი იქიდან გამომდინარეობს, რომ სულ მალე ესპანურ გრანდში დუგლას მაიკონი გადავა და სწორედ ის დაეპატრონება ორ ნომრიან მაისურს.