ანჩელოტი:„„რეალმა“ „ბარსელონას“ ყველა კომპონენტში აჯობა“
კარლო ანჩელოტიმ „ელ კლასიკოს“ მოგების შემდეგ პრესკონფერენცია გამართა...
„ეს იყო მატჩი, სადაც მადრიდის „რეალმა“ შესაძლებლობების სრულფასოვნად გამოვლენა შეძლო. გუნდმა პირველ ტაიმში სოლიდური უპირატესობა მოიპოვა, მეორე ნახევარში კი მაქსიმალურად ცდილობდა სიტუაციის კონტროლს. ყველა ფეხბურთელის გარჯით კმაყოფილი ვარ.“
„მოთამაშეებს ხაზებს შორის კარგად ვაკონტროლებდით, რაც პირველ რიგში დაცვითი პოტენციალის კარგ გამოვლენას ნიშნავდა.“
„მილიტაომ ჩუამენისთან და კროოსთან ერთად ლევანდოვსკიზე დიდი ზეწოლა მოახდინა.“
„ხუთი ცვლილება რესურსს მნიშვნელოვნად ზრდის, მაგრამ ჩვენ ამ დაპირისპირებაში ბევრი ცვლილების გაკეთება არ გვჭირდებოდა. მატჩის მიწურულს გაცილებით მეტი ფეხბურთელი შევიყვანე მოედანზე. რუდიგერმა, კამავინგამ და როდრიგომ მეტი ენერგია მოგვცეს.“
„გასულ სეზონში გარკვეული ცვლილებები განვახორციელე, რადგან ბენზემა არ მყავდა. მაშინ სქემამ არ გაამართლა, ახლა კი ყველაფერი წესრიგში იყო და თითქმის ოპტიმალური შემადგენლობის შერჩევა შევძელი.“
„დარწმუნებული ვიყავი, რომ კარიმ ბენზემა მოწოდების სიმაღლეზე დგომას შეძლებდა. დასანანია, რომ მისი მეორე გოლი არ ჩაითვალა. ეს საკმაოდ ეფექტური მომენტი და დარტყმა გახლდათ. სამწუხაროდ, ფრანგი ოდნავ წინ იყო და თამაშგარე მდგომარეობა დაფიქსირდა.“
„პირველი ადგილი არის ის, რაც ყველაზე მეტად მახარებს. „ელ კლასიკოში“ 3 ქულის მოპოვებას სატურნირო თვალსაზრისით ძალიან დიდი მნიშვნელობა ჰქონდა.“
„ქომაგებს დიდი მადლობა, მათი მხარდაჭერა ხშირად გადამწყვეტია ხოლმე. 90 წუთის მანძილზე „რეალის“ ფეხბურთელებს საოცარი მუხტი ჰქონდათ, რაც სწორედ პუბლიკის დამსახურებაა.“
„მატჩის შემდეგ ჩავიმ ხელი ჩამომართვა და გამარჯვება მომილოცა, მან მითხრა, რომ „ბლანკოსი“ სრულყოფილი იყო“
„წარმატების გასაღები ყველა რგოლში კარგი და დამაჯერებელი თამაში იყო. „ბლანკოსის“ მოთამაშეებმა იცოდნენ როდის რა გაეკეთებინათ.“
„ვალვერდე ახალ პოზიციაზე უკვე მართლაც საოცარია. ურუგვაელი ფეხბურთელის სისწრაფე და მოტივირებულობა ძალიან დიდ გავლენას ახდენს სამეფო კლუბის კარგ თამაშზე.“
„ამ გამარჯვებას დიდი მნიშვნელობა ჰქონდა, მაგრამ სეზონი ძალიან გრძელია და მომდევნო ტურებში განსაკუთრებული სტაბილურობა გვმართებს.“
„ჩუამენის ადაპტაცია ბრწყინვალედ მიმდინარეობს. ფრანგ ფეხბურთელს კროოსი და მოდრიჩი ძალიან ეხმარებიან. ორელიანი მენტალურად ძალიან ძლიერია.“
„მსაჯის გადაწყვეტილებები? არანაირი შენიშვნა არ არსებობს. VAR სისტემა თამაშში რამდენჯერმე ჩაერთო, სადაც ყველაფერი მილიმეტრებში იქნა დათვლილი.“
„ოქროს ბურთი? ვიმედოვნებ, ამ ჯილდოს ბენზემა მიიღებს. ფრანგმა არაერთხელ დაამტკიცა საოცარი კლასი.“
- 16 ოქტომბერი 2022
- 10 533
- 9