ჩავი:„პენალტი არ დაგვინიშნეს“
ჩავი ერნანდესმა „რეალთან“ მარცხის შემდეგ პრესკონფერენცია გამართა...
„როდესაც სასურველ შედეგს ვერ ვაღწევთ, ძალიან ვნერვიულობთ. „ელ კლასიკოს“ აუცილებლად გავაანალიზებთ და ვეცდებით, რომ დაშვებული შეცდომები გამოვასწოროთ. ეს შედეგი ნამდვილად ვერ შევა ჩვენს აქტივში.“
„უნდა ვაღიაროთ, რომ „რეალი“ ამ ეტაპზე უფრო მომწიფებული გუნდია, ვიდრე „ბარსელონა“. ანჩელოტის კოლექტივმა არა ინტენსივობის, არამედ მეტი გამოცდილი ფეხბურთელის და სრულყოფილი ფეხბურთის თამაშის გამო დაგვჯაბნეს.“
„ფერან ტორესი, ანსუ და ფატი საკმაოდ ეფექტურად შევიდნენ მოედანზე, მაგრამ ეს საკმარისი არ აღმოჩნდა.“
„ჩვენ უნდა შევცვალოთ დინამიკა, ვიფიქროთ მეტ ინტენსივობაზე, გააზრებულ ფეხბურთელს და რეალიზაციაზე. „ბარსელონას“ ყველაფერი აქვს იმისთვის, რომ კარგი შედეგები დააფიქსიროს.“
„„რეალს“ შეცდომების რაოდენობა მინიმუმამდე აქვს დაყვანილი, ეს კი ჩვენი ხარვეზია. წაგებას ფეხბურთელებს ვერ დავაბრალებ, რადგან გემის კაპიტანი მე და პასუხისმგებლობა უნდა ავიღო.“
„თუ გვსურს „რეალის“, „ინტერის“, „ბაიერნის“ და სხვა მაღალი დონის გუნდების დამარცხება, მეტი მობილიზება და ტაქტიკური განსწავლულობა გვმართებს.“
„„ბლანკოსი“ მომენტების რეალიზაციას ახდენს, ჩვენ კი ამ ასპექტში მოვიკოჭლებთ. დინამიკა აუცილებლად გამოსასწორებელია და ამაზე აუცილებლად ვიმუშავებთ.“
„საკამათო პენალტი? ეს ნამდვილად იყო თამაშის წესის დარღვევა, მაგრამ საბოლოო ჯამში არდადებულმა პენალტმა შედეგზე ზეგავლენა ვერ მოახდინა. მსაჯის გადაწყვეტილების შემდეგ მენტალურად კიდევ უფრო დავსუსტდით.“
- 16 ოქტომბერი 2022
- 4 346
- 13
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
