რონალდო:„სიტყვები, რომელიც ზიდანმა მითხრა არასდროს დამავიწყდება“
საკუთარი დოკუმენტური ფილმის პრემიერის შემდეგ რონალდო ნაზარიომ მადრიდის „რეალის“ ფეხბურთელებსა და ზინედინ ზიდანზე ისაუბრა...
„ზინედინ ზიდანს ჩემს ცხოვრებაში ყოველთვის დიდი როლი ჰქონდა. ჩვენი პირველი შეხვედრა მაშინ შედგა, როდესაც ის „იუვენტუსის“ ღირსებას იცავდა, მე კი მილანის „ინტერის“, მას შემდეგ არაერთი წელი გავიდა.“
„ზიზუ იყო პირველი ადამიანი, ვინც ჩემი უმძიმესი ტრავმის შემდეგ ჰოსპიტალში მოვიდა და გამამხნევა. მაშინ ჩემი ფსიქოლოგიური მდგომარეობა უმძიმესი იყო.“
„ფრანგმა ლეგენდამ დროული გამოჯანმრთელება მისურვა და მითხრა, რომ ფეხბურთს ვჭირდებოდი. ეს სიტყვები არასდროს დამავიწყდება, რადგან დიდი მოტივაცია მომცა.“
„მოახლოვებული „ელ კლასიკო“? ვფიქრობ, ამ მატჩის საუკეთესო ფეხბურთელი კარიმ ბენზემა გახდება, მეორე დღეს კი წავა და ოქროს ბურთს მიიღებს.“
„ვინისიუს ჟუნიორს უდიდესი მომავალი აქვს. მისი სახით ნეიმარს ბრაზილიის ნაკრებში სერიოზული კონკურენტი გამოუჩნდა, თუმცა უნდა აღინიშნოს, რომ გარკვეულწილად პასუხისმგებლობაც მოეხსნა, რადგან ჩვენს ნაკრებს შეტევის მარცხენა ფლანგზე ძალიან დიდი რესურსი გაუჩნდა.“
„მიხარია, რომ მადრიდულ გრანდში არაერთი ბრაზილიელი ფეხბურთელი თამაშობს. ჩვენს ქვეყანაში ყოველთვის იყვნენ ნიჭიერი მოთამაშეები.“
- 15 ოქტომბერი 2022
- 6 103
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
